Saathiya Title Song Lyrics

SAATHIYA TITLE SONG LYRICS

Saathiya hmmm..
Saathiya hmmm..
Maddham maddham teri geeli hansi
Saathiya hmmm..
Saathiya hmmm..
Sunke humne saari pee li hansi
Oh ho ho…

Hansti rahe tu hansti rahe
Hayaa ki laali khilti rahe
Zulf ke neeche gardan pe
Subah-o-shaam milti rahe (x2)

Saundhi si hansi teri..
Khilti rahe milti rahe

Peeli dhoop pehenke tum
Dekho baag mein mat jaana
Bhanwre tumko sab chhedenge
Phoolon mein mat jaana..

Maddham maddham hans de phir se
Sona sona phir se hans de
Taaza gire patte ki tarah
Sabz lawn par lete huve
Saat rang hai bahaaron ke
Ek adaa mein lapete hue
Saawan bhaadon saare tumse

Mausam mausam hanste rehna
Maddham maddham hanste rehna
Saathiya… hmm..
Saathiya… hmm..
Maddham maddham teri geeli hansi
Saathiya… hmm..
Saathiya… hmm..
Sunke humne saari pee li hansi

Kabhi neeli aasmaan pe
Chalo ghoomne chale hum
Koi abr mil gayaa to
Zameen pe baras lein hum

Teri baali hil gayi hai
Kabhi shab chamak uthi hai
Kabhi shaam khil gayi hai

Tere baalon ki panaah mein
Yeh siyaah raat guzre
Teri kaali kaali aankhein
Koi ujli baat utrey

Teri ek hansi ke badle
Meri yeh zameen le le
Mera aasmaan le le
Saathiya.. hmmm..
Saathiya.. hmmm..
Maddham maddham teri geeli hansi
Saathiya.. hmmm..
Saathiya.. hmmm..
Sunke humne saari pee li hansi

Barf giri ho vaadi mein
oon mein lipti simti hui
Barf giri ho vaadi mein
Aur hansi teri goonje
oon mein lipti simti hui
Baat kare, dhuaan nikle
Garam garam ujlaa dhuaan
Naram naram ujlaa dhuaan

 

SHARE ON